Tambak, Banyumas

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Tambak
—  Kecamatan  —
Negara  Indonesia
Propinsi Jawa Tengah
Kabupaten Banyumas
Pemerentahan
 - Jeneng Camat -
Wewengkon - km²
Desa/kelurahan 12

Kecamatan Tambak kuwe salah siji kecamatan nang kabupaten Banyumas, propinsi Jawa Tengah, Indonesia. Kecamatan kiye anane nang pol-polan pinggir wetan Kabupaten Banyumas. Wates sisih wetane ya kuwe Kecamatan Rowokele (Rawakele), Kabupaten Kebumen; sisih kidule Kecamatan Ayah (Ngayah), Kebumen; sisih kulone Kecamatan Sumpiuh (Sumpyuh); lan sisih lore Kecamatan Somagede. Tambak pas diliwati dalan negara antar propinsi, jalur utama Bandung - Jogyakarta.

Kahanan umume[sunting | besut sumber]

Bagian sebelah lor Kecamatan Tambak arupa gunung gemunung sing esih kalebu Pegunungan Serayu. Sisih kidule arupa pedataran daerah aliran sungai (DAS) Kali Ijo, sing cokan banjir.

Dina pasarane Pasar Tambak ana telu, ya kuwe saben dina Selasa, Jumat lan Minggu. Dina Minggu pasaran cilik, amarga pas bareng karo pasarane Wanasari. Tambak uga diliwati jalur sepur Kroya - Solo; Stasiun Tambak biasa dianggo persilangan sepur. Puskesmas Tambak ana loro.

Panganan khas[sunting | besut sumber]

Warung sate bebek
Pasar Tambak

Sing dadi panganan khas daerah kene ya kuwe sate bebek, sing sebenere satene enthog. Daging utawa jeroan (ati) enthog dibakar lan dibumboni kacang mandan legi ditambah sambel kecap. Mangane biasane bareng karo becek (gule) endhas lan balungan enthog. Sekang Tambak nganti Ijo, perbatasan Banyumas - Kebumen, akeh warung-warung, restoran, lan kakilima sing adol sate bebek. Amarga lokasine persis nang jalan utama, warung-warung kiye rame pisan nek pas wayahe wong mudik.

Desa-Desa[sunting | besut sumber]

Desa-desa nang Kecamatan Tambak antarane: