Sidamukti, Patimuan, Cilacap
| Sidamukti | |
|---|---|
| — Desa — | |
| Negara |  Indonesia |
| Propinsi | Jawa Tengah |
| Kabupaten | Cilacap |
| Kecamatan | Patimuan |
| Wewengkon | - |
| Pedunung | - |
Sidamukti kuwe salah siji desa / kalurahan nang Kecamatan Patimuan, Kabupaten Cilacap, provinsi Jawa Tengah, Indonesia.
Desa Sidamukti gemiyen jane ya Grumbul Sidamukti, anane nang daerah perbatasan sing diwatesi karo kali Citanduy, sebrang kulon (jawa barat) karo sebrang wetane (jawa tengah),
Jaman gemiyen angger arep nyabrang maring sabrang kulon nganggo prau sikine wis ana jembatan, prau loro ditumpangi pring sing dientep disogna nang nduwure, kuwe nggo tunggangan bocah sekolah atawane wong-wong sing pada arep pasar maring sabrang kulon. Muate akeh, pit mbarang bisa di unggahna.
Bahasane bisa loro, Bahasa Sunda karo Jawa, wong genah anu nang perbatasan dadi campur, aja kaget angger ana wong sunda medok ngomong Jawa, terus wong jawa medok ngomong sunda pokoke rame banget.
Ana kumpulan atawa paguyuban wong/bocah-bocah (sidamukti & rawapu), sing pada nang perantoan khususe sing nang jakarta nganakena kumpulan malah ana simpenan duite mbarang, nek ora salah ngadege taun 86 nganti siki.
Masalah pembangunan Sidamukti klebune daerah tertinggal karo terpencil dadi angel banget, dalane isih watu urung ana dalan ireng nganti siki, dalan watu bae asale kuwe kang swadaya masyarakyat dewek sing pada urunan karo pada kerigan, men dalane ora nemen mblekuk, kudu ati2 banget angger nggawa mobil selan soale ana tanggul sier atawa irigasi, tapi angger mobil minibus siki wis bisa mlebu tapi angger terang oranana ulan, angger ulan bae kudu ati2 aja nganti kepater.
Nang nggon tikungan Citanduy sing mlebu maring mbang wetan mbahayani banget soale tanggul PUne wis perek banget karo kali, dadi ndrawasi temenan, malah ana sing wis gari separo, angger ngantek jebol ya banjir orabisa dibendung, dadi mbalik maning maring seurunge taun pitung puluhan sidamukti sering kenang banjir, dela2 giline pedot, dadi lengkap banget sengsarane.
Sidamukti, Patimuan, Cilacap
Desa Sidamukti kuwe salah sijine desa sing ana nang Kecamatan Patimuan, Kabupaten Cilacap. Sidamukti papan panggone ana nang ujung sebelah kidul kulon tlatah Cilacap, langsung watesan karo Kabupaten Ciamis, Jawa Barat. Kaya sing wis dicritakna, basa warga Sidamukti campuran, sebagian akeh pada nduwe kemampuan ngomong basa Jawa lan Sunda, seliyane merga watesan langsung karo daerah Sunda, kebutuhane warga Sidamukti gelem ora gelem nuntut kudu bisa basa Sunda, sebab sebagian akeh kebutuhane digoleti nang daerah Jawa Barat.
Ing taun 2009 iki, pembangunan wis cukup pesat, dalan utama desa mujude aspal hotmix nanging akeh bolong-bolonge. Awit dibangun jembatan Pancimas nang Kali Citandui, dalan desa Sidamukti dadi jalur wisata sing cukup rame merga dadi dalam alternatif aring Pangandaran.
Warga desa Sidamukti akeh-akehe nyambut gawe dadi petani, sebagian liyane Pegawai Negeri, pedagang lan akeh sing nang rantau dadi TKI utawa nang kota-kota gede nang tanah air. Bab kuwe bisa dideleng nek pas prei badha utawa pas prei dawa liyane, desa Sidamukti dadi mendadak rame karo kendaraan sing nganggo plat nomor polisi njaban rangkah, akeh-akehe Jakarta.
Bab pendidikan, Sidamukti uga ora ketinggalan, Sekolah Dasar (SD) cacahe ana papat, SMP anane nang desa sebelah, nanging nang Sidamukti wis madheg Sekolah Menengah Atas (SMA) Negeri I Patimuan. Anane sekolah kiye nggawe desa Sidamukti dadi rame lan sumringah ing babagan pendidikan. Warga desa paling ora pendidikane nganti SMP lan wis cukup melek pengetahuan sing disengkyung karo sarana informasi sing nambah apik.
