Pahonjean, Majenang, Cilacap
| Pahonjean | |
|---|---|
| — Desa — | |
| Negara |  Indonesia |
| Propinsi | Jawa Tengah |
| Kabupaten | Cilacap |
| Kecamatan | Majenang |
| Wewengkon | - |
| Pedunung | - |
Pahonjean (waca: Ponjean) kuwe salah siji desa nang Kecamatan Majenang, Kabupaten Cilacap, propinsi Jawa Tengah, Indonesia. Ponjean desa sing mandan amba, batese kidul brug kuning Cilanggir, sedurunge karetan, lor sedurunge SMA Majenang, kulon kali Cilanggir, wetan ya kali. Pahonjean dilewati dalan propinsi Banjar-Banyumas.
Asal kata
[sunting | besut sumber]Kata Pahonjean asale kang basa Sunda, kata dasare Honje (basa Jawa: Onje utawa kecombrang), sing biasane nggo campuran rujak uleg apa rujak bebek kae lah. Critane asale Pahonjean kuwe jalaran mau-maune alas honje. Wong sing babad nang Tanah Ponjean kuwe dasare wong Sunda, nyebute Pa-Honje-an, kira-kira artine lalahan sing rupane wit honje kuwe mau. Mengeneh-mengeneh karena asimilasi budaya, trus pergeseran kultur, Pahonjean sing maune akeh wong Sundane trus dadi akeh wong Jawane. Wong Jawa kangelen nyebut "Pahonjean" trus disingkat dadi Ponjean.
Ekonomi & sosial
[sunting | besut sumber]Warga Pahonjean akeh-akehe pada dadi tani, tapi ket ndisit dikenal nek rendeng banjir nek ketiga garing sawahe ra bisa ditanduri. Panen ya mukur pisan, ping pindho rung mesti panen, nek lagi untung ya panen pari, nek apes ya panen suket, tapi ya ora kabehan sawah. Pokoke tambah ngidul tambah sengsara sing duwe sawah nang Pahonjean.
Nang ndalan propinsi Banjar-Banyumas kuwe mandan akeh wong dagang, paling rame nang pasar kebo. Nang kono akeh toko-toko bukak, pasar kebo ndisit mukur bukak aben dina rebo, tapi siki wis aben dina sebabe nang pasar kebo wis ana umah jagal, umah go nyembeleh sapi utawa kebo go didol nang pasar.
Daerah Mbalekambang nang Pahonjean, ket ndisit terkenal akeh tukang dodolan kewan-kewan go dipangan utawa go obat, kaya kodok, ula, cecek, menyawak, lan liane, dol-dolane kabare malah sampe luar negri. Sing terkenal nang daerah Geblogan ya kuwe daerah pasriran, mergane nang kono ana nggon wong-wong ngaraih pasir sekang kali Cijalu. Ana maning daerahe jenange Jambuan, merga nang kana akeh banget wit jambu, terkenale langganan banjir, tapi seliane kuwe tempat ngarah iwak, merga nang kono akeh banget iwak nek bar banjir. Ana maning daerah Mbaok, nang kana terkenal daerah lemah ra subur, banyu ra tekan kana, dadi mukur go kebon. Ndisit jaman cilik nek rep golet jangkrik ya nang Mbaok.
