Menyang kontèn

Pelem

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
?Pelem
Woh pelem gedhong, sekang Sumedang, Jawa Kulon
Woh pelem gedhong, sekang Sumedang, Jawa Kulon
Klasifikasi ilmiah
Kerajaan: Plantae
Filum: Magnoliophyta
Kelas: Magnoliopsida
Ordo: Sapindales
Famili: Anacardiaceae
Genus: Mangifera
Spesies: M. indica
Jeneng binomial
Mangifera indica
L.

Pelem kuwe jeneng sajenis woh, mangkono uga jeneng wité.[1] Pelem klebu nang marga Mangifera, sing kapérang sekang 35-40 anggota, lan suku Anacardiaceae.[1] Jeneng èlmiyahé yakuwe Mangifera indica.[1]

Genus Mangifera duwé 62 ''spesies'', ningen sing ngasilna woh sing énak mung 16 species.[1] Pelem sing dipangan awaké dhéwék saben dina, kayata pelem golèk klebu species Mangifera indica L.[1]

Wit pelem klebu tetanduran tingkat dhuwur sing struktur watangé klebu klompok ''arboreus'', yakuwe tetanduran kayu sing dhuwuré watang luwih sekang 5 m.[1] Dhuwuré wit pelem teyeng gutul 10-40 m lan umuré teyeng tekan 10 taun utawa luwih.[1] Pelem sing isih nom biayasané disenengi wong meteng.[2]

Asal

[sunting | besut sumber]

Pelem kuwe kalebu tanduran woh taunan kang asalé sekang nagara India.[3] Tanduran pelem banjur nyebar nang tlatah Asia Tenggara, kalebu Malaysia lan Indonésia.[3]

Jinis kang akeh urip nang Indonesia

[sunting | besut sumber]

Klasifikasi botani pelem yaiku:[3] Divisi : Spermatophyta Sub divisi : Angiospermae Kelas : Dicotyledonae Keluarga : Anarcadiaceae Genus : Mangifera Spesies : Mangifera spp. Jinis pelem kang nah ditandur nang Indonésia yakuwe ''Mangifera indica L''.[3] Contoné pelem arumanis, golék, gedhong, manalagi lan cengkir lan ''Mangifera foetida'' kayata kemang lan kweni.[3]

Habitat

[sunting | besut sumber]

Pusat tanduran pelem nang Pulo Jawa yakuwe nang Probolinggo, Indramayu, Cirebon.[3] Tanduran pelem cocog urip nang dhaérah kanthi musim kering kurang luwih 3 sasi.[3] Musim kering kiye dibutuhna sadurungé lan yen wayah ngembang.[3] Yèn ditandur nang dhaérah kang lembab, tanduran pelem bakal kena serangan ama lan penyakit.[3] Saliyané kuwe bisa rontok kembang lan wohé yèn ngembangé wayah udan utawa mangsa rendheng.[3]

Asil olahan

[sunting | besut sumber]

Pelem kang mateng bisa langsung dipangan dadi buah, rasané kang legi lan seger, dagingé kang empuk gawé wong akeh kang seneng pelem.[2] Pelem kang isih nom bisa diawetna kanthi kadar gula kang nah dadi manisan basah lan kering.[2] Pelem kang durung mateng diarani kepoh, bajangan.[2]

  • jus pelem
  • puding
  • manisan
  • asinan

Khasiat

[sunting | besut sumber]

Pelem nduwéni akeh variétas.[4] Kurang luwih ana 2.000 jinis pelem nang donya.[4] Saliayané rasané kang legi lan seger, pelem uga nduwéni khasiat kang migunani kanggo kaséhatan.[4] Woh pelem nduwéni zat-zat kang dibutuhna awak.[4]

A mango tree in full bloom in Kerala, India
  • ngandhut vitamin A,E lan C[5]
  • bisa dadi disinféktan[5]
  • ngresikki getih[5]
  • ngobati werna-werna penyakit, ngilangi bau badan utawa awak kang kringeté rada ora énak ambuné.[5]
  • obat yèn lagi demam lan awak panas[5]

Bahan wacan

[sunting | besut sumber]
  • Morton, J. 1987. Mango. p. 221–239. In: Fruits of warm climates. Julia F. Morton, Miami, FL.
  • van Steenis, C.G.G.J. 1981. Flora, untuk sekolah di Indonesia. PT Pradnya Paramita. Jakarta.
  • Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.

Referensi

[sunting | besut sumber]
  1. 1 2 3 4 5 6 7 (Indonesia)Situs Deptan(dipunundhuh tanggal 27 April 2011)
  2. 1 2 3 4 (Indonesia)Kabarinews(dipunundhuh tangal 27 April 2011)
  3. 1 2 3 4 5 6 7 8 9 10 (Indonesia)Situs Ristek(dipunundhuh tanggal 26 April 2011)
  4. 1 2 3 4 (Indonesia)Vivanews.com(dipunudhuh tanggal 27 April 2011)
  5. 1 2 3 4 5 (Indonesia)Khasiat dan Manfaat Buah-buahan(dipunudnhuh tanggal 27 April 2011)

Pranala njaba

[sunting | besut sumber]
[sunting | besut sumber]
Delengen Uga Who-wohan
Ditampa sekang "https://map-bms.wikipedia.org/w/index.php?title=Pelem&oldid=220121"