Dialek Banten Lor
Sub Dialek Banten Lor utawa Jawa Serang kuwe dituturna utamane nang sisih lor Kabupaten Serang, Propinsi Banten. Pada baen karo sub dialek basa Banyumasan liyane, dialek Banten Lor kiye dianggep dialek kuna tur akeh kenang pengaruh basa Sunda karo basa Betawi.
Sejarah
[sunting | besut sumber]Sub dialek kiye molai dituturna jaman Kesultanan Banten (abad 16). Jaman kuwe sub dialek kiye pada baen karo dialek Banyumasan umume ning merga lokasine anane nang tlatah Sunda, dialek kiye kenang pengaruh kuat sekang basa Sunda, uga merga interaksi masyarakate karo tlatah Betawi utawa Jakarta, sub dialek kiye uga kenang pengaruh basa Betawi.
Bedane umume nang tuturan huruf akhir, angger basa Banyumasan nganggo huruf 'a', nang basa Jawa Serang dadi 'e'.
Miturut ahli basa,[1] basa Jawa Serang kuwe termasuk kelompok rumpun basa Jawa bagian kulon. Sub dialek rumpun basa Jawa kulon kuwe antarane:
- Dialek Banten Lor (utawa Jawa Serang)
- Dialek Cirebon/Indramayu (Indramayu-Cirebon)
- Dialek Tegal (Brebes, Tegal ngantek Pemalang)
- Dialek Banyumas (Banjarnegara, Purbalingga, Cilacap, Kebumen karo Banyumas)
- Dialek Bumiayu (peralihan Tegalan karo Banyumasan)
Kelompok nang nduwur kuwe biasa diarani basa Jawa ngapak ngapak utawa basa penginyongan utawa umum diarani basa Banyumasan.
Dadi basa Jawa Serang kuwe basa Jawa sing wis ngalami akulturasi karo budaya Sunda.
Contone
[sunting | besut sumber]- 'kule' (waca: 'kula' utawa 'kule'), artine "inyong"
- 'ore' (waca: 'ora' utawa 'ore'), artine ya "ora", pada karo basa Banyumas
- 'pire' (waca: 'pira' utawa 'pire'), artine ya "pira", pada karo basa Banyumas
Referensi
[sunting | besut sumber]- ↑ E.M. Uhlenbeck, 1964, A Critical Survey of Studies on the Languages of Java and Madura, The Hague: Martinus Nijhoff