Babad Brebes

Babad Brebes ora bisa dipisah karo sejarah kerajaan-kerajaan jaman mbiyen sing dibangun neng tlatah Jawa lan tlatah Sunda, antarane kerajaan Galuh Kawali, kerajaan Tarumanegara, kerajaan Kalingga, kerajaan Pajajaran, kerajaan Mataram, kesultanan Demak, kesultanan Pajang lyy sing dhaerah kakuasaane uga klebu wilayah Brebes.
Babad Brebes juga ora bisa dipisah karo legenda-legenda lan mitos-mitos Ciung Wanara, kali Pemali lan liya-liyane.
Sedurung ngelanjutaken Babad Brebes lewih apik paham ndisit karo Makna lan Sejarah Kata Brebes.

Serat Kanda

Nang Serat Kanda ana kisah: bar Kerajaan Majapahit dibangun, Raja Brawijaya (Raden Susuruh) njemput permaisurine sing esih nang kerajaan Galuh, dheweke uga mbantu Arya Bangah sing agi perang lawan Ciyung Wanara. Nang akhir paperangan kuwe, Arya Bangah kalah, diusir nganti tekan wilayah Tugu. Nang kene balatentara Majapahit wis siap mbantu ning tetep kedesak nganti kali pinggir kali Pemali. Enggon peperangan nang sekitar kali Pemali kiye akhire diarani Brebes.

Genta lan Cincin Emas

4 wilah Genta sekang desa Slarang karo Cincin Emas sekang desa Karangmangu bisa didadekna bukti nek jaman Hindu, peradaban wis ana nang wilayah Brebes sebab pusaka-pusaka kuwe asale sekang peradaban Hindu.

Jaman Kerajaan-Kerajaan

Crita sejarah Kerajaan-Kerajaan nang wilayah Brebes umume dimolai sekang Kerajaan Majapahit (abad XIII). Abad VI utawa VII uga ana kerajaan Galuh Kawali sing wilayaeh kekuasaane malah tekan dhaerah Kedu. Kerajaan kiye ora murni nduwe peradaban Sunda sebab sebagian raja-rajane malah keturunan sekang kerajaan Kalingga (Jawa Tengah). Apamaning ana dugaan sing nyebut nek kerajaan kiye jane pindahan sekang lereng gunung Slamet, brarti peradaban sing dianut uga dudu peradaban Sunda merga peradaban Sunda kuwe asale sekang kerajaan Tarumanegara sing dilanjutna kerajaan Sunda banjur kerajaan Pajajaran.

Taun 732 M, wangsa Sanjaya tumbuh karo mbangun kerajaan Mataram Kuna (Mataram Hindu) sing ibukotane nang Medhang Kamulan. Dong masa kiye dibangun candi-candi Siwa nang pegunungan Dieng, Banjarnegara.

Taun 750 M, wangsa Syailendra (Budha) nguasai Jawa Tengah, akibate pusat-pusat Kerajaan Hindu pindah ning Jawa Timur.

Jaman Landa

mBalik ming: Kabupaten Brebes