Waduk Malahayu
Prakata[sunting | besut sumber]
Waduk Malahayu lokasine nang Desa Malahayu Kecamatan Banjarharjo, ± 6 km sekang Banjarharjo utawa 17 km sekang pertelon Tanjung. Luas kawasan kiye sekitar 944 hektar lan debangun Kolonial Belanda taun 1930.
Mitos lan Kepercayaan[sunting | besut sumber]
Mitos sing urip lan dipercaya masyarakat sekitar Waduk kiye ialah nek pasangan Penganten Anyar wajib raup nganggo banyu waduk. Konon, pasangan sing nglakoni upacara raup kiye mesthi mahligai rumah tanggane bisa langgeng. Mulane meh saben ana penganten anyar, mesthi nyisihna wektu kanggo ngunjungi lokasi kiye.
Sing unik ialah, penganten anyar kuwe biasa teka nang lokasi esih nganggo kelambi penganten lengkap lan diiring puluhan malah atusan pengiring. Tradisi kiye dilakoni seliane dipercaya ngandung berkah kelanggengan pasangan anyar kuwe, juga sebagai upaya kanggo Tolak Bala.
Nang waduk kiye juga kadang ana upacara Sedekah Waduk sing upacarane biasane saben Hari Raya.
Fungsi[sunting | besut sumber]
Fungsi waduk kiye seliyane sebagai sarana pengairan lahan pertanian wilayah Kecamatan Banjarharjo, Kersana, Ketanggungan, Losari, Tanjung lan Bulakamba juga sebagai pengontrol banjir lan sebagai obyek plesiran/rekreasi.
Fasilitas[sunting | besut sumber]
Akeh fasilitas sing ana nang kompleks wisata kiye antarane: kolam renang bocah, dolanan bocah, prau becak, prau pesiar, prau dayung, panggung terbuka lan disediakna lahan parkir sing lumayan luas.
Nang obyek wisata kiye akeh panorama alam pegunungan sing asri lan indah, dikelilingi alas wit jati sing amba lan bisa kanggo bumi perkemahan lan wana wisata.
Liyane[sunting | besut sumber]
Saben Idul Fitri biasane ana acara Pekan Wisata Idul Fitri, sing acarane antarane: pentas orkes melayu/dangdut sebagai hiburan.
Angger momen-momen liyane biasane ana acara lomba balap prau, lomba mancing, lan liya-liyane. Penduduk setempat juga manfaataken Prau Compreng kanggo rekreasi ngelilingi waduk.
Mujahir goreng ialah hidangan istimewa nang lokasi wisata kiye. Akeh warung sing nyuguhi Iwak Mujair goreng. Pengunjung bisa madhang sambi nikmati semilir angin lan panorama hamparan waduk.