Sale pisang

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Loncat ke navigasi Loncat ke pencarian
Sale Pisang

Sale Pisang yakuwe panganan sing diolah sekang gedhang. Sale gedhang panganan sing khas kang Cilacap, lan akehe digawe nang daerah Kecamatan Majenang, Cipari lan Sidareja.

Gedhang sing wis mateng dirajang tipis utawa diplenet trus dipepe. Tujuane dipe men ngelongi kadhar banyu sing ana nang gedhang, men gedhang sale bisa lewih awet. Gedhang sale gie bisa langsung dipangan utawa digoreng nganggo glepung.Sale ya dikenal duwe rasa karo aroma sing khas. Seliyane guwe, saiki sale duwe pirang-pirang rasa kaya rasa keju, coklat, lan madu. Produksi sale siki wis nembus pasar internasional.

Sifat-sifat penting sing nentukna mutu sale yakuwe wernane, rasane, ambune, kekenyalane, karo ketahananane nek disimpen. Sifat guwe mau akeh dipengaruhi nang cara ngolahe, golih mbungkus, karo nyimpene.

Angger mangsan udan mutu salene kurang apik. Mergane angel golih ngepe, golih nggaringna mung dikukusi sekang geni pawon. Seliyane kukus kang pawon, ana cara liyane yakuwe ngasepi nganggo kukus belerang utawa nggunakna natrium bisulfit.

Golih ngukusi nganggo belerang gunane nggo:

  • Mucetna gedhang men olih werna sing dikarepna.
  • Mateni mikroba (jamur, bakteri)
  • Men wernane ora malik.