Ndok asin
Prakata
[sunting | besut sumber]Ndog asin kuwe pangan sing digawe nganggo bahan dasar ndog bebek.
Bahan-bahane
[sunting | besut sumber]1. Ndok bebek
2. Uyah
3. Awu pawon (bekas bakaran dedek). Ana penelitian sing nyarani ngganti awu dedek kiye nganggo awu bakaran blarak kelapa. Kandungan Kalium neng awu blarak kelapa luwih akeh dadine bisa ngganteni Natrium sing asale sekang uyah. Garam Kalium bisa dikonsumsi kanggo wong sing kena hipertensi.
4. Gerusan bata abang utawa gendeng.
5. Endut alus utawa lumpur.
6. Banyu.
Cara Gawe
[sunting | besut sumber]Carane gawe ndok asin khas brebes, langkah-langkahe yaiku:
1. Langkah sing paling awal kuwe nggolet ndok bebek sing isih bener, aja sing wis dadi ndok wukan utawa ndok kurwok. Ciri-ciri ndog asin sing mesih apik kuwe : kulite mesih alus, bersih, warnane laka belange, rada abot, yen diterawang nang lampu bohlam laka bayangan irenge. Ndok bebek pangon jarene luwih enak daripada ndok ternak. Pangon kuwe artine bebeke golet pangan dhewek. Ndok pangon biasane akeh pas wayah sawise panen pari.
2. Sing keloro, ndok bebek kuwe dibersihi lan diamplas alus seperluna bae.
3. Gawe adonan kanggo ngluwuri ndok bebek. Adonane kuwe campuran uyah, awu pawon, gerusan bata abang, endut karo banyu. Takaran sing pas lan bener bisa nggawe ndok asine mengko luwih enak.
4. Yen adonan wis dadi, luwuri ndok bebek nganggo adonan kuwe nganti ketutup kabeh kulite siji-siji.
5. Simpen ndok bebek sing wis diluwuri adonan nganti minimal seminggu. Suwene nyimpen, bisa nggawe hasile ndok asin mengko beda-beda. Selak suwe ndok asin dadi luwih nglenga lan luwih asin.
6. Sawise disimpen, adonan dibuka terus ndoke dibersihi. Ndok sing wis dibersihi langsung diproses ben bisa dipangan. Ndok bisa digodhog, dipanggang neng oven, dibakar, dipindang, utawa dibakar neng njerone lumpur.