Konfusius

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.


Gambaré Konfusius, sing digambar nang pelukis jenengé Wu Daozi jaman Dinasti Tang (680–740)

Konfusius ((Hanzi: 孔夫子、孔子, hanyu pinyin: Kongfuzi、Kongzi)), atawa "Master Kong",[1] (lair 551 SM – 479 SM)[2] kuwe pemikir lan filsuf sosial sekang Cina nang jamané Periode musim semi lan gugur.

Filosofinée Konfusius kiye menekankan maring moralitas manungsa lan pemerentahan, kebeneran sakjeroning hubungan sosial, keadilan, lan ketulusan. Nilai-nilai iki wis dadi kondang nang Cina ngungkuli/nglewihi doktrin liyané, kaya Legalisme (法家) atawa Taoisme (道家) nang jamané Dinasti Han[3] (206 SM – AD 220). Pemikirane Konfusius kiye uwis dikembangna dadi sistem filsafat sing jenengé Konfusianisme (儒家).

Pengaruhé Konfusius maring peradaban Tiongkok ora kena dianggep entheng; ajaranné uwis kesebar gutul Jepang, Korea lan Vietnam, khususé doktrin Konfusianisme, sing dikembangna murid-muridnya.

Ana buku sing judulé Analek yaiku karya cendhek sing isiné diskusi lan dhopokané Konfusius karo murid-muridé. Buku kiye disusun seuwise Konfusius seda lan isine inti-inti ajaran Konfusius.

Jeneng[sunting | besut sumber]

KuburanéKonfusius nang Qufu.

Kong Qiu (孔丘), jeneng sebutané Konfusius sing umum, kuwe kombinasi antarané jeneng keluargane (孔) lan jeneng (丘), dheweke uga olih sebutan Zhong Ni (仲尼), sing dadi jeneng kehormatané dheweke.

Jeneng "Konfusius" di[Latinisasi]] pertama kaliné lan diperkenalna maring Eropa nang anggota Serikat Yesus sekang Italia sing jenengé Matteo Ricci. Bentuk sejen sekang Romanisasi jeneng kuwi yaiku Kǒng Fūzǐ (atawa Kǒng fū zǐ) nek cara pinyin, lan K'ung fu-tzu nek cara Wade-Giles (atawa Kung fu-tze).

Fūzǐ kuwe artine guru. Jalaran nek nyebut guru nganggo jenengé dianggep ora sopan nang budaya Cina, dheweke dadi disebuté mung "Master Kong", atawa Konfusius. Aksara 'fu' kuwe mung pilihan; nang Cina moderen dheweke lewih sering disebut Kǒng Zi (孔子).

Referensi[sunting | besut sumber]

  1. Singkatane 孔子; deleng nang bagian Jeneng
  2. [http://plato.stanford.edu/entries/confucius/ Confucius (Stanford Encyclopedia of Philosophy), diakses tanggal07-11-2010
  3. vol.56 (Chinese language only)]