Coklat (panganan)

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Mlumpat maring: navigasi, goleti
Werna-werna soklat

Coklat atawa nek wong Banyumas ngarani Soklat yakuwe salah siji bahan panganan sing diolah sekang wit Theobroma cacao (kakao).

wit kakao

Khasiat[sunting | besut sumber]

Coklat ngandhut kakao utawa wiji coklat lewih sekang 70 % sing nduwéni khasiat kanggo kaséhatan, awit coklat ngandhut zat kang ngandhut akéh antioksidan kaya fenol lan flavonoid. [1] Kanthi antioksidan coklat teyeng nangkal radikal bebas nang awak. [1] Coklat ngandhut antioksidan kang cacahe kaping teluné nek diabandingna karo tèh ijo. [1] Kamangka tèh ijo iki uga diarani ombénan kang dadi sumber antioksidan. [1]

Kanthi antioksidan iki, coklat kalebu salah sijiné ombénan sing migunani tumprap kaséhatan. [1]Fenol uga dadi antioksidan sing teyeng ngurangi kolésterol nang getih saéngga teyeng ngurangi resiko penyakit jantung lan uga migunani kang ncegah kanker ing awak, ncegah stroke lan darah tinggi utawa kena diarani hiperténsi. [1]Saliyané iku, coklat uga ngandhut lemak kang kualitasé apik saéngga bebas kolésterol lan ora nyumpeli pembuluh darah. [1]

Coklat uga ngandhut vitamin kang migunani banget kanggo awak. [1] Vitamin iku kayata vitamin A, vitamin B1, vitamin C, vitamin D, lan vitamin E. [1] Saliyané iku, coklat uga ngandhut zat lan nutrisi kang penting kanggo awak kayata zat besi, kalium lan kalsium. [1] Kakao iku kalebu sumber magnesium alami kang paling akéh. [1] Yèn wong kakurangan magnesium bisa nyebabaké hiperténsi, penyakit jantung, diabétes, lara sendi lan masalah bulanan kanggoné wong wédok yaiku pra ménstruasi (PMS). [1] Kanthi mangan coklat bisa nambah magnésium lan gizi harian kang nyebabaké kadar progéstéron saya mundhak tumprapé wong wédok. Iki bisa ngurangi èfék negatif saka PMS. [1]

Coklat uga nduwéni khasiat kanggo kecantikan. [2]Coklat ngandhut antioksidan lan katekin kang bisa ncegah penuaan dini, mulané ora éram yèn saiki digawé lulur coklat kang apik lan nduwéni khasiat kanggo ngalusaké kulit.[1] Coklat nduwéni khasiat kanggo kardiovaskular awit coklat nduwéni asam olet lan asam linoleat kanggo antioksidan.[3]

Catetan[sunting | besut sumber]

  1. ^ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 (Indonesia)harianjoglosemar.com(dipunundhuh tanggal 23 Mei 2011)
  2. ^ (Indonesia)faktailmiah.com(dipunundhuh tanggal 23 Mei 2011)
  3. ^ (Indonesia)lintasberita.com(dipunundhuh tanggal 23 Mei 2011)