Serundeng

Irisan daging sapi

Serundeng yaiku panganan khas Indonesia sing sering dadi campuran lauk-pauk nasi. Serundeng digawe sekang parutan kelapa terus digoreng gutul warna kuning kecoklatan karo bumbu-bumbu kaya merica, cabai, bawang putih, bawang merah, ketumbar, kunyit, gula, asam jawa, daun salam, daun jeruk lan lengkuas. Bumbu-bumbu kie terus dialusna sedurunge dicampur. Serundeng umume dijidangna karo irisan daging sapi goreng, yaiku contohe serundeng daging, atau ditaburna neng duwure soto, ketan, atau burasa (panganan Makassar) ben nambah gurih rasa masakane.

Ning Malaysia jeneng liyane serunding sing pada bae kaya abon daging sapi atau ayam, abon Malaysia kie bisa dicampur kelapa parut kaya serundeng Indonesia atau ora sama sekali. Tapi kari neng Indonesia serundeng mesti sing dimaksud kelapa parut goreng, kecuali neng Kepulauan Riau sing juga maksude abon daging sapi atau ayam, atau abon mangrove.

Tapi nek neng Sumatera Barat ana bedane. Sebutan serundeng dudu maksude panganan sing bahane sekang kelapa. Serundeng neng Sumatera Barat sekang kentang karo ubising ditugeli cilik-cilik karo kacang terus diwei rempah-rempah terus digoreng. Rasanya gurih pol karo nikmat tenan.