Kramat, Kembaran, Banyumas

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Kramat
—  Desa  —
Negara  Indonesia
Propinsi Jawa Tengah
Kabupaten Banyumas
Kecamatan Kembaran
Wewengkon -
Pedunung -

Kramat kuwe salah siji desa nang Kecamatan Kembaran, Kabupaten Banyumas, propinsi Jawa Tengah, Indonesia. Arah-arahe yaiku: Nang sisi kidul wetan Kecamatan Kembaran. Sebelah lor batesan karo desa Sambeng Kulon lan Sambeng Wetan (Kec Kembaran Banyumas), Karo sethithik Karang Pule (Wilayah Kec Padamara Kab Purbalingga). Sebelah wetan batesan karo Desa Manduraga (Kec Kalimanah(?), Jelas Kab. Purbalingga). Sebelah kidul batesan karo Desa Banjaranyar Kec. Sokaraja (Nek ora ya berarti Kecamatan Banjarsari - Kab. Banyumas, ngko depirsani maning). Lha sebelah kulon kui batesane karo Desa Karang Tengah sing esih padad-dene kelebu Kecamatan Kembaran Kabupaten Banyumas.

Desa Kramat kelebu desa sing nduweni sejarah cukup penting sing awit jaman gemien. Akeh kedadian sing ana benceng-cenenge karo panggonan-panggonan sing ana nang desa Kramat kiye. Tur uga akeh cerita sejarah lan separo legenda-gayeng sing tau kedadian ning Desa Kramat. Akeh kedadian nang jaman penjajah Landa sing urung ketulis catetan sejarah, mangkane babagan kiye sejatine perlu dingerteni nang generasi nom jaman saiki. Salah sijine yaiku pembantaian warga Kramat nang jaman Landa (Belanda) sing ngenani sebagian warga Kramat lan sekitare jaman iku. Iku kedadian pancen wis lawas, kelebune angger arep digoleti saksi pelaku sejarahe ya wis angel ketemune, nanging cerita mau udu gayeng. Dadi asli temenan ana kedadiane.

Sepintas sing bisa ditulis nang kene: jaman Landa tau ana kedadian pembantaian nang tengah sawah sebelah kulon Dukuh Pereng, nang wetan gili jalur Banjaranyar - Sambeng Wetan. Angger panjenengan pancen wis nate pirsa Desa Kramat, jajal mawon takon sebelah pundi Grumbul Dukuh Pereng, Dukuh Gedor, Karang Aglik. Lah nang antara telung panggonan mau kedadiane. Terus kersaa panjenengan nyuwun pirsa karo sesepuh2 tlatah Kramat ngenani kedadian menika. Panjenengan bakal pikantuk gambaran sing luwih gamblang.

(Kangge sa'wetawis, babagan punika dipun cukupaken sa'menten, nanging Insya Alloh mbenjing-enjing sa-saged-sageg bade dipun jangkepi informasinipun. Kagem ingkang kagungan info tambahan, nggih mangga dipun wedar kemawon wonten mriki - Wassalaam)