Inthil

Inthil kuwe bahane sekang krekel, nah krekel kuwe sejenis gaplek mung mandan beda cara nggawene, bahan krekel kuwe sekang budin (utawa singkong). Dadi nek lanthing bahan dasare uga budin, soale wong Kebumen weruhe budin dudu singkong.

Carane gawe inthil, krekel dideplok nganti dadi glepung, terus diglintiri nang tampah nganti mrengkel-mrengkel nah bar kuwe didang.

Intil kuwe mbiyene makanan pokok gantine sega, dadi olehe mangan ya kaya sega, dilawuhi jangan lodeh terong apa lodeh kethewel karo sambel lombok ijo, jan nylekamin banget. Nah nek siki inthil nggo nyamikan, mangane nganggo ampas krambil. Mbiyen daerah Karanggayam kuwe termasuk penghasil krekel, ning kayane siki wis ora pati ana, mbokan pada bebeh gawe krekel soale mandan susah ngolahe.