Cilacap kelelep

Cilacap kelelep kuwe mung crita wong kuna sing ana kaitane karo pulau Nusakambangan. Miturut crita kuna kiye, Cilacap kuwe bakal kelelep nek nang Nusakambangan dibangun pasar. Maksude dibangun pasar kuwe kira-kira wis dadi kota, dadi kota kuwe artine ora ana alas maning nang Nusakambangan merga dibabat nggo mbangun kota.

Crita kiye ana hubungane karo fungsi Nusakambangan sing dadi benteng Cilacap nggo nahan "serangan" sekang segara kidul. Sing dimaksud "Serangan" nang kene kayane serangan banyu utawa sing populer diarani tsunami.

Miturut ahli Geologi, sepanjang pantai kidul pulau Jawa kuwe pancen wilayah tumbukan lempeng-lempeng benua sing potensial nyebabna lindu. Lindu kuwe salah siji bencana alam sing biasa marekna tsunami.