Atom
Prakata
[sunting | besut sumber]Atom kuwe satuan utawa bagian sing cilik pisan nang kabeh benda, dadi kabeh benda utawa materi kuwe kesusun sekang kumpulan atom.
Bagian Atom
[sunting | besut sumber]Atom kesusun sekang tiga jenis Partikel Subatom yakuwe:
- Elektron sing duwe muatan listrik negatif
- Proton sing duwe muatan listrik positif
- Neutron sing ora duwe muatan listrik (netral).
Kabeh unsur kimia kuwe dibedakna sekang jumlah proton sing ana nang jero atom. Kabeh atom duwe jumlah elektron sing padha karo jumlah proton-e, ning angger beda, atom kuwe diarani ion. Atom sekang unsur sing padha bisa nduwe jumlah netron sing beda, sing penting jumlah proton karo elektron ora berobah. Atom sing duwe jumlah netron sing beda diarani isotop.
Jane akeh unsur-usur liya sing dicipta menungsa, ning umume dadi ora stabil tur biasane langsung berobah dadi unsur kimia natural sing stabil, kuwe liwat proses radioaktifitas.
Jumlah unsur pancen mung ana 91 unsur nang alam kiye, ning atom-atom kuwe bisa nganakna ikatan kimia karo atom liyane nggo mbentuk molekul utawa mbentuk jenis senyawa kimia liyane. Molekul kebentuk sekang akeh atom contone molekul banyu kuwe kombinasi sekang 2 atom hidrogen karo 1 atom oksigen.