Sintren

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Sintren nang Majenang, Cilacap

Sintren kuwe jeneng kesenian tari sing biasa dipentasna nang daerah Jawa Tengah lan pesisir Jawa Barat. Kesenian sintren nduwe landasan sekang cerita rakyat yakuwe cerita sir-siran Sulasih karo Sulandana. Merga bapake Sulandana ora ngrestui hubungane anake, Sulandana lunga tap lan Sulasih dadi tukang nari. Wong loro kuwe sering ketemu nang ngalam gaib lantaran bantuan biyunge Sulandana sing ndamokna roh widadari meng awake Sulasih lan nyeluk Sulandan sing agi tapa men ngampiri Sulasih.

Syarat utama dadi penari sintren kuwe wong wadon sing sing esih prawan, mergane miturut cerita masyarakat roh widadari ora bisa mlebu angger penarine wis ora prawan maning.Ngerti ora sedulur ?

Pawang ndadekna sintren ana telung tahapan. Tahap pertama, pawang nyekel tangan lorone calon sintren terus disogna nang nduwur kukus menyan karo maca mantra. Bar kuwe calon sintren dijiret karo tambang sing nggubed meng awake.

Tahap pindho, calon sintren dilebokna kurungan pitik karo klambi sintren lan ubarampe ngrias rai. Barang sedela terus kurungan dibukak, sintren wis dandan tapi esih digubed tambang, terus sintren ditutup kurungan maning.


Tahap telu, bar ana tenger sintren wis dadi (biasane kurungane obah-obah) kurungane dibukak, sintren wis ucul sekang gubedan tambang lan siap nari. Kejaba nari, sintren uga nglakokna akrobat, ana kalane sintren njoged nang nduwur kurungan. Sedawane tontonan sintren, mabakar menyan ora ulih mandeg.

Kacamata ireng sing dienggo sintren ora nggo sangar-sangaran tapi nggo nutupi matane sintrene sing merem merga kelebon roh widadari. Kacamata ireng uga dadi tetenger khas sintren lan nambah ayu disawang.