Grombyang
Grombyang yakuwe salah sijine sega campur panganan khas masyarakat Pemalang, Jawa Tengah.[1] Sebab diarane grombyang menawa tata cara ngidangake, yakuwe antara isi lan kuah luwih akeh kuahe, saengga katone oyeg-oyeg (utawa "grombyang-grombyang").[1]
Racikan grombyang yakuwe saking sega, karo irisan daging kebo lan kuah, dihidangake nang mangkok cilik lan ditambahi sate kebo.[1] Ciri khas liyane sega grombyang yakuwe didol nang sangan gedhe, wadah sega ditutup nganggo tapih abang, lan madangane nganggo damar templok nang remeng-remeng. Sing tuku mangan hidangane nang bangku cilik (dingklik).
Ora ngerti mestine kapan panganan khas kiye molai diciptakna. Nanging miturut omongan wong tuwa nang Pemalang, panganan khas sega grombyang wis ana awit taun 1960-an. Awit jaman kae bakul sega grombyang ngedol dagangane ora netep, nanging muter-muter kampung.
Rujukan
[sunting | besut sumber]- ↑ 1,0 1,1 1,2 Goyang Lidah Grombyang Pemalang, © 2011 MetroTVNews.com, 15 Agustus 2011.