Basa Jawa
| Basa Jawa, Basa Jawi | |
|---|---|
| Dituturaken nang: | Jawa (Indonesia), Suriname, Kaledonia Baru |
| Cacah Penutur: | 80 - 100 yuta |
| Nang donya urutan ping: | 11 |
| Rumpun Basa Klasifikasi: |
Austronesia Melayu-Polinesia |
| Status Resmi | |
| Basa Resmi nang: | Hindhia-Walanda (Jawa) |
| Dijabel wiwit taun: | 1942 |
| Kodhe Basa | |
| ISO 639-1 | jv |
| ISO 639-2 | jav |
| SIL | JAN, JVN, JAS, OS, TES |
Basa Jawa kuwi kegolong basa Austronesia, utawa basa-basa sing dienggo sak kabehing bangsa Pribumi nang nuswantara sakidul-wetaning benua Asia. Basa Jawa kasebar mulai pucuk kulon nusa Jawa, Banten nganti pucuk wetan Banyuwangi. Liyane kuwi, Basa iki kasebar nang Walanda, Suriname, Curacao karo nang Kaledonia Baru. Basa Jawa uga dituturaken nang Malaysia, Sumatera nganti Irian Jaya.
Basa Jawa dadi kontributor paling gedhe kanggo pengembangan Basa Indonesia. Sanajan dudu basa resmi nang pemerentahan, Basa Jawa kuwi duwe pengaruh ketimbang basa-basa liyane kayata nang kosakata karo istilah-istilah sing biasane cokan nganggo istilah Jawa.
Dialek-dialek Basa Jawa
[sunting | besut sumber]Basa Jawa kuwi akeh banget cara pituturane. Ana dialek sosial sing dibagi miturut hirarkhi soko kasar nganti alus kayata :
- ngoko
- madya
- krama
Dumuken Basa Jawa Ngoko - Basa Inggris iki, yaiku sethithik terjemahan soko Basa Jawa Ngoko Andhap nang Basa Inggris.
ana basa kang mligi digunakake kanggo keperluan resmi karaton
- bagongan dienggo nang Kraton Ngayogyakarta Hadiningrat
- kedhaton dienggo nang Kraton Surakarta Hadiningrat
- basa walikan (basa jawa prokem)
Sak liyane kuwi, ana dialek sing didasarake saka tlatahe, dadi ora kabeh dialek Jawa kuwi dimangarteni wong Jawa. Dialek-dialek kuwi miturut ahli basa : E.M. Uhlenbeck, 1964, nang bukune A Critical Survey of Studies on the Languages of Java and Madura, The Hague: Martinus Nijhoff, dikelompokake dadi 3 (telu) rumpun yaiku :
- Rumpun basa Jawa kulon :
- Dialek Banten Lor (utawa Jawa Serang)
- Dialek Cirebon (Indramayu-Cirebon)
- Dialek Tegal (Brebes, Tegal nganthi Pemalang)
- Dialek Banyumas (Banjarnegara, Purbalingga, Cilacap, Kebumen karo Banyumas)
- Dialek Bumiayu (peralihan Tegalan karo Banyumasan)
Kelompok ing ndhuwur kuwi biasa diarani basa Jawa ngapak ngapak utawa basa penginyongan.
- Rumpun basa Jawa Tengah :
- Dialek Pekalongan
- Dialek Semarangan
- Dialek Kedu
- Dialek Surakarta
- Dialek Yogyakarta
- Dialek Madiun
- Dialek Pantai Utara Timur (Jepara, Rembang, Kudus, Grobogan)
- Dialek Blora
Klompok ing ndhuwur kuwi biasane diarani basa Jawa baku.
- Rumpun basa Jawa wetanan :
- Dialek Tuban-Bojonegoro
- Dialek Surabaya
- Dialek Malang
- Dialek Lumajang
- Dialek Tengger
- Dialek Banyuwangi (utawa disebut Basa Osing)
Klompok ing ndhuwur kuwi biasane diarani basa Jawa Timuran.
Sastra karo Tata Basa Jawa Pepak
[sunting | besut sumber]- Sastra Jawa
- Aksara Jawa
- Paribasa Jawa
- Bausastra (Kamus)
- Ejaan
- Etungan
- Penacat
- Penyondhro
- Pisuhan
- Takeran
- Pulosoro
- Pranata Cara
Pranala luar
[sunting | besut sumber]