Ahmad Tohari

Ahmad Tohari kuwe salah siji sastrawan kondang Indonesia, lair tanggal 13 Juni 1948 nang Banyumas, Jawa Tengah. Siki bareng karo K.H. Ahmad Sobri aktif ngelola Pondok pesantren nang Kecamatan Jatilawang, Kabupaten Banyumas.

Bentuk awake cilik adoh kang bayangan wong kang nduweni prestasi internasional. Cara klambenane seanane, ngemutna karo santri soleh sing nduweni wawasan terbuka bisa nrima kabeh menungsa nang ndunya kang kabeh lapisan kanggo urip tetanggan sing damai dadi sepadane ciptaane sing nggawe urip. Andhap asor, yakue sifate Ahmad Tohari, sing nyatane salah sijine kanca pereke Gus Dur.

Sastrawan lan Penulis

Dheweke salah siji penulis produktif sing wis ngelairna sekitar 7 novel uga karya-karya liyane. Ahmad Tohari uga dadi penulis nang pirang-pirang koran uga majalah antarane nang harian Suara Merdeka, majalah Tempo, majalah Amanah lan liya-liyane.

Malah Kang Tohari sekanca-batir nerbitna Majalah Banyumasan "Ancas" sing mangsude nggo nguri-uri lan nglestarikna tinggalane kaki-nini sing jere peneliti; basa banyumas wis terancam punah sekitar 20 taun sing arep teka. Malah neng Majalah Anjas ya disediani Teka-Teki Silang (Othak-Athik) sing kena nggo ngemut-emut kosa-kata Banyumasan.

Tulisan-tulisan karya Ahmad Tohari wis diterjemahna ming basa-basa liya, antarane ming basa Inggris, basa Jerman, basa Landa, basa Cina lan liyane. Novel Ronggeng Dukuh Paruk sik malah wis diterjemahna maring Basa Banyumasan. Lha sing terakhir malah jere neng wulan April 2010 kiye arep nerbitna maning Bekisar Merah nganggo Basa Banyumasan sing arane dadi "Jengigger".

Penghargaan

Ahmad Tohari olih werna-werna penghargaan internasional uga nasional. Sing internasional, Ahmad Tohari tau ulih penghargaan kang Southeast Asian Writers Award lan Fellowship International Writers Program nang Lowa. Ahmad Tohari uga tau ulih penghargaan Anugerah Sastra kang wakil Presiden Indonesia, Boediono nang Jakarta Convention Center tanggal 23 Juni 2010.

Karya

mBalik ming: Tokoh ; Tokoh Banyumas