Tambaksari Kidul, Kembaran, Banyumas

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Tambaksari Kidul
—  Desa  —
Negara  Indonesia
Propinsi Jawa Tengah
Kabupaten Banyumas
Kecamatan Kembaran
Kodepos 53182
Wewengkon 149 km²
Pedunung - jiwa
Kepadhetan 37 jiwa/km²

Tambaksari Kidul kuwe salah siji desa nang Kecamatan Kembaran, Kabupaten Banyumas, Jawa Tengah.

Desa kiye dibagi neng 7 Dusun. Yakuwe Dusun : 1.Randhusari 2.Montelsari 3.Timbangsari 4.Tambaksari (Pusate Desa) 5.Wulungsari 6.Lembusari 7.Legoksari

Desa Tambaksari Kidul dialiri 3 kali sekaligus, yakuwe kali Phangkon sing nggo bates kecamatan, yakuwe Kecamatan Kembaran-Kecamatan Sumbang lan Kecamatan Kembaran-Kecamatan Purwokerto Timur nang bagian kulon desa. Kali Phangkon kiye nang batas desa bagian kidul mengko pethukan karo kali Pelus. Kali liyane yakuwe kali Phanu nang bagian tengah, lan kali Dhuwana nang bagian wetan desa.

Sebenere desa kiye duwe potensi wisata nggo nambahi anggaran pendapatan desa, nanging durung dikembangna secara maksimal, contohe:

DAM (Tanjlik)-Montelsari, bisa digawe PLTA Desa. Kedhung Dawa-Montelsari, bisa dikembangna dadi wisata Arung Jeram utawa wisata River Adventure. Curug Legoksari-Legoksari, urung diselidiki secara detail, nanging jere ana goa tepat nang ngisor curug. Jurang Legoksari-Legoksari, nang ndhuwure pemandangane apik bisa digawe taman. Balai Peternakan Sapi-Lembusari, Kolam Pemancingan-Wulungsari,

Rencanane Desa Tambaksari Kidul kiye arep ana proyek dalan Dhamarjati sing ngehubungna Desa Tambaksari Kidul kiye langsung ming Kecamatan Purwokerto Timur(Kelurahan Arcawinangun).