Rawaapu, Patimuan, Cilacap

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Rawaapu
—  Desa  —
Negara  Indonesia
Propinsi Jawa Tengah
Kabupaten Cilacap
Kecamatan Patimuan
Wewengkon -
Pedunung -
Kepadhetan -

Rawaapu kuwe salah siji desa nang Kecamatan Patimuan, Kabupaten Cilacap, provinsi Jawa Tengah, Indonesia. Desa Rawaapu kelebu desa sing amba, manglur nang pinggir kali Citandui 15 km tekan pol-polan kali nang Segara Anakan.

Wates blah lor lan kulon Desa Rawaapu, yakuwe Desa Sidamukti. Watese arupi tugu nang sebelah Sekolah Dasar Negeri Rawaapu 5 nang Dusun Kalen Anyar. Desa Rawaapu kebagi pirang-pirang tlatah dusun, yaguwe Dusun Kalen Anyar, Rawaapu, Cikadim, lan Cikuning.

Sekilas[sunting | besut sumber]

Wong Desa Rawaapu rata-rata usahane tani, nderes (nyadap) glugu (wit klapa) kangggo gawe gula abang, ngebon Cin Cau, ngingu wedus, lan makarya nang kota dadi buruh. Akibat bangunan irigasi sing ngawur (nutupi dalam banyu), angger musim udan sawah nang Desa Rawaapu banjir, banyu udan ora bisa mili ketutup tanggul sier (irigasi) dadi tani ora bisa nggo andalan soale kudu nunggu banyune surut. Nek musim ketiga, langka banyu sebab siere ora mili. Dadi rekasa banget urip nang daerah kiye.

Masalah liyane sing angel yaguwe banyu resik nggo masak lan ngombe. Banyu nang desa kiye wernane kuning, akeh tiyenge dadi ora bisa diombe. Wong-wong desa pada ngangsu nang desa liyane.

Padusunan[sunting | besut sumber]

Desa Rawaapu dibagi dadi patang dusun, yakuwe:

Dusun Kalen Anyar[sunting | besut sumber]

Dusun Kalen Anyar lokasine nang bagian kulon dewek. Dusun kiye dilewati dalam provinsi jurusan Cilacap-Pangandaran. Nang kene dibangun tugu tapel bates antarane Provinsi Jawa Tengah karo Jawa Barat.

Dusun Rawaapu[sunting | besut sumber]

Balai Desa Rawaapu ana nang dusun kiye.

Dusun Cikuning[sunting | besut sumber]

Dusun Cikuning dibangun lapangan bal desa karo Sekolah Lanjutan Tingkat Pertama (SLTP) Patimuan 2. Zaman gemiyen, dusun kiye isine mung lahan tumpang sari atawa trukahan.

Dusun Cikadim[sunting | besut sumber]

Dusun Cikadim langsung batesan karo muara Kali Citandui nang Segara Anakan

Sekolahan[sunting | besut sumber]

  • SDN Rawaapu 1 nang Dusun Cikuning
  • SDN Rawaapu 2 nang Dusun Cikuning
  • SDN Rawaapu 3 nang Dusun Rawaapu
  • SDN Rawaapu 4 nang Dusun Rawaapu
  • SDN Rawaapu 5 nang Dusun Kalen Anyar
  • SDN Rawaapu 6 nang Dusun Cikadim
  • SMP N 2 Patimuan nang Dusun Cikuning

Deleng uga[sunting | besut sumber]

Pranala jaba[sunting | besut sumber]