Mesjid Agung Purbalingga

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.
Mesjid Agung Darussalam Purbalingga

Mesjid Agung Purbalingga

Letake Purbalingga, Jawa Tengah
Afiliasi agamane Islam
Deskripsi arsitektur
Jenis arsitekture Mesjid
Spesifikasi
Kapasitas 12000

Mesjid Agung Purbalingga iku mesjid sing ana nang Purbalingga Jawa Tengah. Mesjid iki diresmina nang Gubernur Jawa Tengah lan dipugar nang Bupati Purbalingga, Drs. Triyono Budi Sasongko, MSi. Karo arsitektur sing ngadopsi Masjid Nabawi nang Madinah lan daya tampunge nganti 2500 wong.

Deskripsi

Mesjid iki ana nang kawasan tengah kota Purbalingga tepate nang ngarep Alun Alun. Alamate nang Dalan Jambu Karang No 1 Purbalingga .

Bangunan mesjid sing dadi kebanggan masyarakate Purbalingga iki duwe ciri khas sing nonjol. Gaya arsitekture mesjid iku maen namung uga megah. Saat renovasi taun 2002, mesjid iki digawe karo perpaduan antara arsitektur Jawa lan Timur Tengah. Lan dideleng sedela kaya kemutan maring mesjid sing ana nang Madinah. Mesjid iki duwe payon sing bentuk limas bersusun tiga sing warna ijo lan uga duwe kubah warna putih nang ngarepe. Nang pipire masjid duwe saka sing duwur kaya mesjid Nabawi.

Masjid Agung Darussalam dibangun taun 1853 M utawa 1269 H nang ulama setempat sing jenenge KH Abdullah Ibrahim. Pembangunan dilakokna nang duwur lemah luase 5.500 meter persegi. Siki mesjid iku ngalami renovasi nganti lima wates. Nang taun 1918, 1960, 1970, 1980-1985 lan terakhir nang taun 2002-2004. Dana sing dialokasikna nang rehab taun 2002 nganti 2 miliar rupiah.

Gambar-gambare

Referensi

  • ^ Tempate Ibadah nang Purbalingga, Jawa Tengah
  • ^ Masjid Agung Purbalingga nyeluk Imam Tarawih

Pranala luar