Temanten Tebu
Prakata[sunting | besut sumber]
Upacara Temanten Tebu kuwe upacara adat/tradisi sing dianakna pas mangsan giling tebu, biasane sekitar wulan Mei saben taun. Ana kepercayaan nang masyarakat, konon angger tradisi kiye ora dianakna bakal ana musibah, misale mesin giling tebu dadi bodol. Upacara kiye umum dianakna masyarakat nang sekitar pabrik-pabrik gula nang pulau Jawa.
Sejarah[sunting | besut sumber]
Tradisi temanten tebu kiye, konon pertama dianakna nang Pabrik Gula Rendeng Kudus, kuwe kitar taun 1840. Jaman kuwe sing dadi pengelolane ialah Meneer Been Musch. Meneer Landa kiye nganakna upacara kiye kanggo ngeredam amarah wong Jawa sing umume mung didadekna pekerja kasar nang pabrik-pabrik gula kuwe.
Arak-Arakan[sunting | besut sumber]
Prosesi arak-arakan manten dimolai sekang enggon penimbangan tebu, pasangan manten utama dikawal limang pasangan manten liyane sing digawa sinder-sinder. Sinder kuwe jabatan nang ngisor mandor nang perkebunan tebu. Arak-arakan kiye diiring musik tradisional, terus manten karo pengiringe diarak ming lokasi pabrik. Nang ngarep lawang utama pabrik, wis disiapna acara penyambutan, pokoke kaya nyambut manten temenan, bar kuwe pasangan manten kuwe diserahna ming pinih sepuh wilayah kuwe terus dilebokna ming mesin giling.
Nang wilayah tinentu nang pulau Jawa acara kiye malah ditambah karo karo pagelaran kesenian liyane contone ludruk, wayang utawa kethoprak.
Wong Jatibarang lan sekitare ngarani acara kiye "Methikan". Mbuh artine apa, sing jelas, acara slametan kiye dienteni masyarakat Jatibarang lan sekitare saben taun. (Mahlas)