Sroto Sokaraja

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.

Resep[sunting | besut sumber]

Mangga dijajal resep Sroto asli Sokaraja. (Resep kiye kiriman almarhum kang Untung Supeno)

  • Daging sing berlemak (tetelan sing kaya nggo bakso)digodog disit nganti empuk. (mangga kersa, apa detambah jeroan], apa nganggo ayam (angger ayam negri degoreng disit setengah mateng), terus diangkat.
  • Bumbu-bumbu : brambang, bawang, jahe, kunyit, kemiri, lada, pala, blindhi-blindhine kiye digoreng disit. Lada karo pala ora digoreng ya ora papa. Angger wis digoreng, terus dialusna – digongso.
  • Bumbu sing wis alus dilebokna maring banyu godogan nomer I, angger kurang ya banyune dijogi maning. Angger daging (sapi), tetep digodog ya ora papa, angger durung rontok, esih mblondho, ya mestine di tambah uyah karo gula.
  • Sing nang mangkok : Taoge cindek (pendek) rebus - kiye angger Sokaraja kecambahe sing cindek, angger ora nana, nganggo sing dawa ya ora papa. Agger sing cindek kadang2 nggolete mandan angel, kerupuk merah (kampung),utawa emping mlinjo daun bawang, seledri, bawang goreng, kecap (manis ).Daging sing de godog dipotongng dadu bisa detambah nganggo kupat sing wis dipotong potong.
  • Bumbu kacang : Kacang, +/- 1/4 kg, cabe merah 1 ons, nggo 10 mangkokan, digoreng, terus dicampur gula karo uyah setitik, dialusna, diuleg angger esih kuat, apa blender mangga mawon, terus angger arep didhahar ya diaduk disit nganggo banyu/kuahe.

Kayane wis dadi kuwe, mangga disuguhna.

Cathetan, kuaeh sing panas, aja mung anget thok. Bumbu2 karo sing nang mangkok ya dikira-kira baen. Kuaeh dicicipi dhisit, esih kurang apa, ya nganah didandani dhisit. Bumbu kacange aja kepedhesen, lha sing ngersakna lewih pedhes, bisa tambah sambel baen. Angger pada ngersakna, tambahane semacam Royco, aja kaya Ajinomoto/fitsin. Sisan nggawe, nganggo mendoan jajal. Kayane ora nganggo sega ya wis miring2 kuwe. Angger kepengin lewih asli, ndhahare ya nganggo kupat, mangga disiapna kupate, apa mundhut mawon sing wis mateng.


mBalik ming: Sroto ; Sokaraja