Grecol, Kalimanah, Purbalingga

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.

Prakata[sunting | besut sumber]

Desa Grecol kuwe salah siji desa nang kecamatan Kalimanah, kabupaten Purbalingga. Desa kiye esih mandan kurang maju, dalane baen nembe diaspal, dalan kampunge isih jeblog nek udan, tapi ya lumayan pembangunane wis tambah maju, padahal desa Grecol kuwe sebenere lewih pedek karo kota Purbalinggane nanging embuh nangapa kaya kurang perhatian sekang pemerintah.

Geografis[sunting | besut sumber]

Wilayah Desa Grecol termasuk neng wilayah dataran rendah, sebagian wilayahe kuwe persawahan, perkampungan, karo derik utawa kebon.

Desa Grecol kuwe berbatesan karo Kelurahan Mewek neng sebelah wetan, Desa Toyareka neng sebelah kidul, Desa Karangpetir nang sebelah kulon, Kelurahan Karangmanyar karo Kelurahan Kalikabong neng sebelah lor.

Sebelah wetan dibatesi karo kali Kalikabong sing batesan karo Kelurahan Mewek nek sebelah kulon dibatesi karo kali Benda sing batesan karo Desa Karangpetir.Sebelah kidul batese kuwe dalan sepur tinggalan wong Landa sing gemiyen dinggo ngangkuti tebu sekang Grecol maring pabrik gula Kalibagor sing nang Sokaraja Banyumas.Nek sebelah lor batese kuwe persawahan.

Pemerintahan[sunting | besut sumber]

Desa Grecol kuwe dipimpin neng Kepala Desa sing dipilih langsung neng wargane saben 6 tahun sepisan.

Desa Grecol dibagi dadi 4 (papat) RW :

  • RW I ana 5 RT
  • RW II ana 5 RT
  • RW III ana 5 RT
  • RW IV ana 5 RT

Desa Grecol jumlah pensuduke sekitar 3480 wong, lan jumlah penduduk sing duwe hak pilih pemilu sekitar 1780 wong

Dusun-Dusun[sunting | besut sumber]

Desa Grecol kuwe dibagi dadi pirang-pirang dusun, yakuwe:

  1. Dusun Grecol
  2. Dusun Temenggungan
  3. Dusun Karangjambe
  4. Dusun Tegalsari
  5. Dusun Kebanaran

Pendidikan[sunting | besut sumber]

Neng bidang pendidikan, Desa Grecol wis lumayan maju, wis akeh wargane sing bisa dadi sarjana, malah wis akeh juga sing S2, nek bocah-bocah ya wis pada nempuh pendidikan dasar 9 tahun kaya sing diwajibaken karo pemrintah.Nek dinggo wong tua sing gemiyen urung sekolah bisa melu kejar paket A karo kejar paket B, jere dinggo mbrantas buta huruf karo buta aksara.

Nang Desa Grecol dewek ana 3 sekolahan, SD ne ana 2 ditambah karo MI Muhammadiyah , dinggo bocah-bocah sing isih cilik dinggo prasekolah ya wis ana Taman Kanak-Kanak Aisiyah Bustanul Atfal sing Ibu Gurune jenenge Ibu Amsiyah sing wonge sabar lan seneng karo bocah-bocah cilik.

Wargane pada guyub lan rukun, seneng kerja bakti bersih-bersih lingkungan, gawe jalan setapak uga pada ronda nek bengine, bocah-bocah ya pada seneng ngaji TPA nang Madrasah nek sore, ibu Rochanah lan Ibu Marfu'ah sing mbimbing bocah-bocah nganti pada bisa baca AlQur'an.

Kesehatan[sunting | besut sumber]

Dinggo melayani warga neng babagan kesehatan, Desa Grecol wis duwe Poliklinik Desa sing fungsine dinggo pelayanan kesehatan wargane, Polindes kiye wis ana fasilitas bidan yakuwe Ibu bidan Sumiyati (oo), dadi nek wong wadon sing arep babaran bisa njaluk tulung maring Polindes, supayane olih pelayanan sing pantes ben bisa mengurangi angka kematina ibu dan bayi saat melahirkan.Polindes uga melayani wargane sing kurang mampu secara ekonomi, dadi nek warga sing kurang mampu tetep bisa olih pelayanan kesehatan nek lagi mriyang. Kanggo Bocah-bocah cilik uga ana posyandu saben-saben tanggal 7 saben bulane nang kadus-kadus ana posyandu sing siap melayani timbangan, imunisasi lan pelayanan kesehatan liane kanggo bayi lan bocah-bocah balita.

Ekonomi & Sosial[sunting | besut sumber]

Penduduk Desa Grecol rata-rata pada usaha neng bidang pertanian, buruh pabrik utawa dagang.Tapi ya ora semending sing pada dadi pegawe negri kayata dadi guru, pegawe pemda, pegawe bank, polisi lan uga tentara.

Nek sedulur arep pada tuku rinjing, ceting, tenggok, ndok puyuh, ndok asin, knalpot pada dolan baen maring Grecol.

Nang Grecol ya ana industri bata karo gendeng, malahan siki wis ana sing gawe paving conblock karo batako.

Malah siki Desa Grecol ana sing gawe "selai pisang" mbarang. Nggawene esih model "home industri" urung "pabrikan". Ning selai pisange rasane ora kalah karo selai pisang sing wis "beredar" ndisiti. Selai pisange enak tur wis akeh sing pada ngerti sekang njaba Desa Grecol. Nyatane kudune wong-wong Desa Grecol sing nang "perantauan" sing kudune bisa lan gelem masaraken daerahe utawa desane dhewek.

Nek butuh rinjing, cething, tenggok njujug bae maring gone nini Tarmini (RT 01/IV) sing terkenal apik lan rapi gaweane, angger butuh ndok puyuh maring gone mas ridho (RW III) ndok puyuhe akeh lan sehat wong ternak dhewek, angger butuh iwak lele maring gone Dedi (RT 01/IV) lan Andi (RT 03/III) ternak lelene akeh uga bisa pesen winih lele lan grameh. Pokoke nang desa Grecol ora bakal kecewa apa baen kebutuhan ana nang kana.

Apa maning siki dalane wis alus, alias wis di aspal. Malah dalan Desa Grecol di enggo dalan alternatip bis-bis utawa kendaraan sing jurusan Banjarnegara utawa Wonosobo sekang Purwokerto.

Dong-dongane Desa Grecol ana investor sing gelem mlebu, sing gelem kerjasama karo rakyat grecol. Sedawane dalan sekang POM Bensin Kalimanah nganti tekan Desa Mewek urung ana warung panganan utawa nggon sing bisa nggo ngaso karo wong-wong sing "dalam perjalanan".

Kanggo wong-wong utawa piyantun-piyantun sing sekang desa Grecol sing kebener nang perantauan, mbok ayuh pada mikiraken setitik kanggo majune desane dhewek karo sedulure dhewek sing pada nang ndesa. Inyong dhewek nang Bekasi Timur. Apa maning piyantun-piyantun sing esih pada enom, ning duwe potensi luwih lan pemikiran sing jernih, mbok ayuh pada kumpul, aja mung angger lebaran Idul Fitri tok pas Shalat Ied penuh rame akeh wong Grecol nang perantauan pada bali.

Seni & Budaya[sunting | besut sumber]

Neng Grecol kuwe ana kesenian tradisional sing pernah berkembang ya kuwe kesenian Ebeg utawa Kuda Lumping karo kesenian Dames, tapi siki wis ilang mbuh maring ngendi, kayane wis pada mblenger siki wonge lewih seneng nonton sinetron.

Sing arep jasa desain bangunan juga bisa. Ana Anggun Priyatmoko uga ana Muhammad Rois.

Tokoh kuwe rajin banget angger Kon ngibadah. Apamaning urusan masjid kambi musholla. Bapak Toto juga bisa dadi alternatif.