Chris John

Sekang Wikipédia, Ènsiklopédhi Bébas basa Banyumasan: dhialék Banyumas, Tegal, Cirebon karo Jawa Serang/Banten lor.
Mlumpat maring: navigasi, goleti
Chris John
Yohannes Christian John.jpg
Data pribadi
Jeneng asli Yohannes Christian John
Julukané The Dragon, The
Indonesian Thin Man
Kelas Kelas bulu
Gelar Juara donya WBA
Dhuwuré 171 cm
Negara Bendera Indonesia Indonesia
Tanggal lair 14 September 1979 (umur 35)
Panggonan lair Jakarta, Indonesia
Gaya Orthodox
Pelatih Craig Christian
Sasana Harrys Gym, Perth, Australia
Rekor tanding
Debut 6 April 1998
Total pertandingan 45
Menang 43
Menang KO/TKO 22
Kalah 0
Seri 2
No contests 0

Yohannes Christian John, utawa luwih dikenal nganggo aran Chris John (lair nang Jakarta, 14 September 1979; umur 35 taun)[1] yakuwe petinju Indonesia sing asale sekang Banjarnegara. Dheweke petinju kang nomer telu sing bisa juara donya sawise Ellyas Pical lan Nico Thomas.

Masa cilike[sunting | sunting sumber]

Chris John anak nomer loro sekang sedulur papat, sekang pasangan Djohan Tjahjadi (alias Tjia Foek Sem) karo Maria Warsini. Kae karo keluargane seteruse pindah sekang Jakarta maring Banjarnegara, Jawa Tengah. Ramane Chris John, Djohan Tjahjadi sing bekas petinju amatir, nglatih Chris John karo adine Adrian awit umur cilik, yakuwe sekitar umur nem taun.[2] Sawise gelut nang macem-macem lomba amatir nang Banjarnegara, Chris John seteruse ditarik karo pelatih tinju kondang, Sutan Rambing nang Semarang.[2]

Molai karir[sunting | sunting sumber]

Chris John sawise molai tinju profesional 4 Juni 1998 nang pertandingan lawan Firman Kanda.[2] Waktu kae Chris John menang angka awit 6 ronde. Arane nambah terkenal waktu ngalahake petinju idola saat kae, Muhammad Alfaridzi nang pertandingan 12 ronde.[2] Chris John pernah tiba ping loro nang ronde siji, tapi kae berhasil mbalikna situasi nganti bisa nganteng KO Alfaridzi nang ronde 12. Dheweke nganti dadi juara nasional kelas bulu. Chris John waktu kae ngalami pendarahan sebab balung cungure tugel.[3]

Sawise nahan gelar nasional ping pirang-pirang, Chris John berhasil ngalahake Soleh Sundava taun 2001 kanggo ngrebut gelar PABA (tingkat Asia-Pasifik) kelas bulu.[2]

Karir profesional[sunting | sunting sumber]

Chris John dadi petinju profesional mula-mula nduwe panggilan Thin Man ("Si Gering"), seteruse panggilane diganti dadi The Dragon ("Si Naga") sing isih didenggo dheweke nganti saiki.

Kesempatan emas kanggo Chris John teka wektu olih kesempatan nglawan Oscar Leon sekang Kolombia tanggal 26 September 2003 nang Bali. Chris John menang angka tipis nang pertandingan 12 ronde kiye, lan dadi juara donya kelas bulu WBA sementara (interim title).[2]

Ora suwe sawise, WBA ngganti gelar Chris John kiye dadi gelar tetep. Sebabe juara bertahan WBA Derrick Gainer sekang Amerika Serikat kalah angka sekang Juan Manuel Marquez sekang Meksiko sing juara IBF.[2] Miturut peraturan WBA, Marquez dadi juara super WBA (Super Champion) sebab sanggup nggabungna gelar WBA lan IBF, lan Chris John dadi juara WBA (reguler title).

Taun 2005, Chris John pisah karo pelatihe Sutan Rambing, terus nggabung maring Harry's Gym nang Perth, Australia, lan kae wektu kiye dilatih lan diatur karo Craig Christian.

Taun 2008, Chris John metu nang TV olahraga internasional ESPN, lan dheweke ngomong apen nglawan ping 5 utawa 6 pertandingan maning, sawise dheweke apen mundur sawektu dadi petinju kelas bulu paling apik nang donya.[4] Wulan Oktober 2009, Chris John nahanake gelar donya nganti ping sepuluh, yakuwe pentandingan sing kudu ping lima nglawan petinju Jepang Hiroyuki Enoki nang Tokyo, Jepang.[5]

Tanggal 28 Februari 2009, Chris John nglawan maning karo Rocky Juarez kanggo nahan gelar donya nang Toyota Center, nang Houston, Texas, Amerika Serikat. Kiye sing ping pertama dheweke nglawan nang benua Amerika. Pertandingan pragat imbang, nanging dipandang kontroversial. Chris John balik maning nglawan Rocky Juarez tanggal 19 September 2009 lan Chris John menang angka mutlak nang rolas ronde.

Sawise pertandingan kiye, dheweke mundur nganti wulan Juli 2010 awit cedera pundake wektu latihan.[6] Tanggal 5 Desember 2010, Chris John balik maning nglawan Fernando David Saucedo sekang Argentina nang arena Tennis Indoor Senayan, Jakarta. Chris John menang angka mutlak nganti rolas ronde maning.

Keluarga[sunting | sunting sumber]

Chris John kawin karo bekas atlet wushu Anna Maria Megawati wektu taun 2005, lan nduwe anak loro wandon sing arane Maria Luna Ferisha lan Maria Rosa Christiani.

Liya-liyane[sunting | sunting sumber]

Saliyane atlet tinju, Chris John uga pernah kondhang dadi atlet nasional wushu. Lantarane kondhang, Chris John terus dadi bintang iklan kanggo werna-werna produk, uga dadi komentator tinju nang televisi.

Rujukan[sunting | sunting sumber]

  1. ^ Wahyudono, Hernawan. Persiapan Chris John Sudah 70 Persen, 19 Apr 2010, antarajateng.com, Copyright © 2011.
  2. ^ 2,0 2,1 2,2 2,3 2,4 2,5 2,6 Indriani, Feby, Apa & Siapa: Chris John, Pusat Data & Analisa Tempo, Copyright PDAT 2004.
  3. ^ Tokoh Pilihan: Chris John. Rubrik Kompas Kita (kompas.com). © 2009 KOMPAS � All rights reserved.
  4. ^ Conde, Ricardo. Chris John Interview, Copyright © 2001- 2010 East Side Boxing.com.
  5. ^ Chris John Kalahkan Enoki Lewat Laga Berat, Kompas cetak, 25 Oktober 2008.
  6. ^ Pamungkas, Jeffrey, Chris John Cedera Bahu, 30 April 2010, www.boxing-indonesia.com.

Pranala jaba[sunting | sunting sumber]