Burok

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.

Burok kuwe salah siji kesenian pagelaran sekang daerah pantura perbatesan sisi kulon Jawa Tengah ngantek pantura Jawa Barat dadi nang sekitar kabupaten-kabupaten Brebes karo Cirebon. Pagelaran kesenian Burok kiye mirip pegelaran kesenian Barongsai, bedane angger Barongsai kuwe nganggo wujud kewan utama naga, burok kuwe nganggo wujud kewan utama jaran ning endase kuwe endas putri ayu sing rambute dawa. Wujud kewan pengiring liyane antarane: harimau, singa, gajah, ketek, kebo uga onta.

Sejarah[sunting | besut sumber]

Apa jare ente bae

Asal Tembung Burok[sunting | besut sumber]

Ana pirang-pirang versi perkara asal tembung burok kiye, ana sing nyebut kiye asale sekang jeneng kendaraan nabi Muhammad SAW wektu dheweke Isra' Mi'raj, ning kiye dadi mandan ora cocog karo wong wadon sing rambute dawa kuwe. Ana juga sing ngomong kuwe sekang tembung arab baburahmah sing artine pintu keselamatan.

Pagelaran Burok[sunting | besut sumber]

Kesenian Burok digelar umume nang pelataran sing amba misale alun-alun uga bisa ngider dadi digawa nganggo kendaraan. Burok kuwe nganggo iringan musik tradhisional sing perangkat musike antarane: gitar, beduk, kendang, kencer uga gitar bas.

Ana pakem nggo pagelaran kesenian kiye antarane nek nggo hiburan hajatan biasane nganggo sesaji, nganggo do'a, uga kudu nganakna upacara suwuk desa.

Pemain burok kuwe akeh variasine, angger kelompok burok sing gede sing wis mapan biasane pemaine ngantek puluhan wong, wujud kewane uga lewih akeh, sing penting jaran sing endase wadon kuwe aja ketinggalan uga kewan singa depok utawa singa sing nggo tunggangan. Singa depok kuwe digotong, sing nggotong umume pendekar-pendekar pencak silat. Iringan liyane antarane, barisan putri ayu.

Pagelaran kesenian burok sing manut pakem siki wis arang banget, grup-grup burok uga arang banget merga arang sing nanggap. Nek wulan puasa biasane ana burok sederhana sing digelar nggo nggugah wong saur.

Deleng Uga[sunting | besut sumber]