Antareja

Sekang Wikipedia, Ensiklopedia Bebas sing nganggo Basa Banyumasan: dhialek Banyumas, Purbalingga, Tegal lan Purwokerto.

Antareja kuwe putra pambarepe Bima sekang Dewi Nagagini. Awit biyunge iku naga, mula Antareja bisa urip ing njero lemah (ambles bumi). Kasektene eneng upase (bisa-Indonesia). Kanthi ndilat bekas tapakan, mungsuhe bisa mati. Kasekten kuwe sing marai Kresna mikir supaya Antareja ora susah melu Bharatayudha. Sebab upama Antareja melu Bhratayuda, ora nganti sedina Kurawa mesthi wis entek ludes merga sekang kesektene Antareja. Dadi tujuwane Bhratayuda sing bakal dienggo ajang ngundhuh wohing pakarti ora kaleksanan. Mulane Kresna duwe panemu sadurunge perang diwiwiti Antareja kudu wis ora ana. Carane dikon ndilat bekas tapakane dhewe. Kuwe pungkasane Antareja urip ing jagad wayang.